Хали Бери блесна во едно од своите неверојатни изданија и покажа дека и кон крајот на шестата деценија зазема високо место на списокот на најубави жени во Холивуд.

Сите очи беа вперени во 58-годишната актерка на промотивниот настан Амазон МГМ Студио 2025 (Amazon MGM Studios CinemaCon 2025) во Лас Вегас. Ѕвездата од филмот „Топката на чудовиштето“ (Monster’s Ball) изгледаше двојно помладо во провокативната комбинација so која го привлече вниманието.

Таа за овој свечен настан избра атрактивна црна комбинација за која жените велат дека е непогрешлива. Станува збор за проѕирен црн корсет со интересни детали кои не ѝ дозволи на холивудската ѕвезда да открие премногу, а одлично го истакна нејзиното деколте.

Корсетот го спои со структуриран црн блејзер и црно макси здолниште со голем шлиц напред кој ги истакна нејзините негувани и витки нозе.