Повеќе од 90 години езерото Лох Нес ги интригира луѓето ширум светот. Тоа е „под лупа“ на оние кои се склони кон мистерии и верување во натприродното, а сите го имаат истото прашање – дали навистина на длабочина од 230 метри живее „чудовиште“ .

Сега, познатото шкотско езеро повторно е во центарот на вниманието , по откривањето на камерата „Инстаматик“ која пред повеќе од 50 години била спуштена на дното од научниците.

Ова веројатно е еден од најраните обиди да се сними „Чудовиштето од Лох Нес“ на филм, а се верува дека пронајдениот апарат е еден од шесте оставени во 1970 година, како дел од проектот на професорот Рој Макал од Бирото за истрага во Лох Нес.

Камерата останала недопрена, заедно со филмот, благодарение на проѕирен (водоотпорен) сад. Садот со камерата бил откриен случајно, кога  бил поткачен од истражувачката подморница „Боати Мекбоатфејс“, која припаѓа на Националниот океанографски центар (НОЦ), пренесува „Дејли мејл“.

В Лох-несс обнаружили камеру, которая продержалась там в водонепроницаемой колбе 55 лет.
Фото чудища нет, зато какая реклама для Kodak! pic.twitter.com/0aJtb8nGi5

— Вилка (@Merzzavka_) April 1, 2025

Научниците го извлекле апаратот и внимателно го развиле филмот. За жал, деталната анализа не најде никаков доказ за постоењето на „најпознатиот жител на Лох Нес“. На фотографиите се гледа само матна вода и разни отпадоци на дното.

Адријан Шајн, еден од основачите на проектот „Лох Нес“ во средината на 1970-тите, помогна да се идентификува камерата како една од оние што се користеле во проектот на професорот Макал.

„Тоа беше генијална идеја. Зедовме камера ‘Инстаматик’ со механизам на часовник и вграден блиц. Наместен беше да прави четири фотографии кога нешто ќе ја фати мамката што е оставена“, објаснил Шајн.

A camera dropped in Loch Ness in the 1970s has been found and the film developed

The two pictures on the BBC website are the purest distillation of my biggest fears. There is of course no monster, there is only cold, deep, dark water and a layer of dead things. pic.twitter.com/LPSGgnu05u

— Monkey Bones𓅿 (@iratesheep) March 31, 2025

Тој е воодушевен што проѕирниот сад го издржал тестот на времето и го зачувал филмот.

„Иако тоа не е очекуваното откритие, ние сме среќни што овој дел од историјата на ‘Ловот на Лох Нес’ може да се сподели со светот “, изјавил Сем Смит од НОЦ.

Апаратот, проѕирниот сад и филмот се предадени на Центарот „Лох Нес“ за да можат да бидат изложени на јавноста.