Американската пејачка Лејди Гага пристигна во Венеција, каде ќе го промовира нејзиниот нов филм – „Џокер: Лудило за двајца“ („Joker: Folie à Deux“) во рамки на годинашното издание на Венецијанскиот филмски фестивал.

Таа пристигна во Италија во друштво на нејзииот вереник Мајкл Полански и гордо позираше пред „љубопитното око“ на папарацо фотографите.

Пејачката во понеделникот се појави во црно-бел фустан со точки, кој го искомбинира со црни очила за сонце. Гага својот изглед го комплетираше со црни хулахопки и црни чевли, но вниманието го привлече нејзиниот голем веренички прстен.

Таа денеска на фестивалот пристигна во долг црн фустан и високи потпетици, а аутфитот го комплетираше со црна беретка.