На модната креаторка и на ревијата не и пречеа демонстрантите кои бараа да престане да користи кожа во колекциите – на крајот таа се прошета по пистата со помош на патерици и праќаше бакнежи, а најважниот му припадна на Дејвид Бекам.

Дејвид Бекам е снимен како оди на ревијата на неговата сопруга Викторија, на Париската недела во петокот вечерта во главниот град на Франција, пишува „Дејли Мејл“.

Фудбалската легенда (48) го напушти луксузниот хотел заедно со ќерката Харпер (12), синовите Круз (19), Бруклин (24) и снаата Никол Пелц (29).

Синот на Бекамови, Ромео (21) не успеал да му се придружи на семејството, но како што шпекулира „Дејли Меил“, тој останал во Лондон по неодамнешното раскинување со девојката Миа Реган.

Најмладата Харпер тргна по стапките на мајка си во црн макси фустан кој го спои со пар бели патики, додека Круз се одлучи за ретро костум со пруги, кој го носеше преку кошула и вратоврска со прерамки во стилот на четириесеттите.

Викторија го напушти својот хотел во петокот наутро пред нејзината презентација во 20 часот и не дозволи нејзините патерици да ја забават додека се движеше кон своето студио. Имено, Викторија го скршила стапалото при повреда во теретана на Денот на вљубените.​