Пејачката Мартија Станојковиќ денеска го слави 21-от роденден. Точно на полноќ, таа ја дувна роденденската свеќичка и со чаша коктел наздрави со најблиските.

Покрај пријателите, посебна честитка на Инстаграм и посвети и нејзиното момче Матеј.

Мартија Станојковиќ е родена на 7 април 2004 година во Куманово. Таа го открила својот музички талент на само 5 години, а во тој период се приклучила на студиото за танци „Ултра“. На 7 годишна возраст ја снимила својата прва песна „Пејачка ќе станам“ со која настапила на кумановскиот детски фестивал „Детелинка“.

Во септември 2015 со учеството на „Пинкови ѕвездички“ во Белград, Србија во организација на Телевизија Пинк, каде постигнала голем успех. Во текот на десетте месеци колку што траело шоуто, со својот неверојатен глас, шарм и сценски настапи успеала да се наметне и да биде меѓу фаворитите за победа. Во суперфиналето одржано на 3 јули во кое останале само десетте најдобри натпреварувачи, го освоила второто место.

На 24 јули 2016 била избрана да ја претставува Македонија на Детскиот избор за песна на Евровизија 2016 во Малта.

Од тогаш па наваму е активна на македонската музичка сцена и секогаш а нејзините видеа на Јутјуб бројат илјадници прегледи.