Тим од 41 падобранец од центарот за скокање со падобран „Скајдајв Лангар“ (Skydive Langar) се комбинирале за да го создадат најголемиот секвенцијален формациски „скајдајвинг“ досега во Обединетото Кралство, пренесе „Би-би-си“.

„Групниот скајдајвинг вклучува учесници кои се фаќаат еден за друг за да создадат форми додека паѓаат со брзина од околу 193 километри на час“, изјавиле од „Скајдајв Лангар“.

Тие го поставиле рекордот правејќи две последователни форми на небото во кои се вклучени сите учесници, 41- најголемиот број британски скокачи досега што завршиле последователен скајдајвинг во формации.

Набргу потоа го собориле сопствениот рекорд формирајќи три последователни формации.

Организаторот на настанот Вил Кук изјавил: „Неверојатно е што го постигнавме овој нов рекорд и се надеваме дека ги инспириравме другите падобранци да го следат нашиот пример и да продолжат да го туркаат овој спорт напред“.