Последната недела од првенство во тенис, САД опен, секогаш носи посебно возбудување, атмосферата на терените во Њујорк е исполнета со исчекување и нетрпение, бидејќи сите со нетрпение следат кој ќе го освои своето место во големото финале на последниот Гренд слем во сезоната. Додека тениската драма го достигнува својот врв, трибините и ВИП ложите се полни со познати лица кои не ја пропуштаат можноста да бидат дел од овој спортски и општествен спектакл.

Финалето на САД опен не носи само врвен тенис, туку и вистинска парада на ѕвезди, меѓу кои оваа година специјални гости беа Линдзи Лохан, Рами Малек, Ана Винтур, Алек Болдвин, Бен Стилер и Овен Вилсон… Додека најдобрите светски тенисери се борат за место во финалето, трибините во Њујорк стануваат модна писта и социјално жариште.

Овој пат, Линдзи Лохан привлече внимание, пристигнувајќи со својот сопруг Бадер Шамас. Актерката блескаше во бела тоалета украсена со црвени рози, и не се двоумеше да го земе телефонот во раце и да направи неколку селфиња од трибините.

 

View this post on Instagram

 

A post shared by Lindsay Lohan Fansite (@lilofansite)

Рами Малек, исто така, дојде да го следи возбудувањето на теренот, во придружба на неговиот колега Џереми Ален Вајт. Двајцата наидоа на Ана Винтур, долгогодишна гостинка на САД опен, која уште еднаш го потврди својот моден статус појавувајќи се во елегантен цветен фустан.

 

View this post on Instagram

 

A post shared by 𝑹𝑨𝑴𝑰 𝑴𝑨𝑳𝑬𝑲 𝑩𝑹𝑨𝑺𝑰𝑳 🇧🇷 (@ramimalek_brasil)

 

View this post on Instagram

 

A post shared by Viù! (@viu_elcomercio)

Зад нив, во ВИП ложата, седеа актерот Алек Болдвин и неговата сопруга Хиларија.

Бен Стилер пристигна со својот колега актер Овен Вилсон за да го поддржат Новак Ѓоковиќ, а нивната средба предизвика многу насмевки.

 

View this post on Instagram

 

A post shared by Vogue (@voguemagazine)

Имено, Ѓоковиќ го започна разговорот прашувајќи: „Како е твојот тенис?“, потсетувајќи дека познатиот актер има свој тениски терен во Њујорк. Стилер искрено призна дека неговата игра „не е толку добра“, што го насмеа Новак, а потоа откри дека снима продолжение на популарниот филм од 2000 година „Meet the Parents“.

@usopen Two legends #benstiller #novakdjokovic #usopen ♬ original sound – US Open

Како шлаг на тортата, Стилер го покани Ѓоковиќ да помине еден ден на снимањето, да се запознае со остатокот од екипата и да го гледа снимањето, на што тенискиот шампион ентузијастички одговори: „Би сакал“.

САД опен уште еднаш оваа година потврдува дека е многу повеќе од спортски настан, тоа е место каде што се спојуваат врвниот тенис, гламурот и поп-културата, а финалето на турнирот ветува возбуда и надвор од теренот.