Поп дивата Јелена Карлеуша синоќа, одржа спектакуларен концерт пред преполната сала Јана Санденски во Скопје и уште еднаш докажа зошто ја нарекуваат „мајка на сцената“.

Концертот го започна динамично, изведувајќи ја песната „Karlyb*tch“, што предизвика ентузијазам кај публиката која од првиот такт пееше заедно со неа, подигнувајќи ја атмосферата на повисоко ниво.

Таа без придружба ја отпеа и познатата песна „Бисер балкански“, која предизвика лавина емоции кај публиката во преполната арена. Јелена го рашири и знамето на Македонија, кое цело време го бакнуваше.

 

View this post on Instagram

 

A post shared by Telegraf.rs (@telegraf.rs)

Како и на секој концерт, така и овде на публиката ѝ подари буквално сѐ, па ги промени стајлинзите, но имаше и специјални реквизити за сцената.

Арената беше преполна до последното столче, околу 6.000 луѓе дојдоа да ја слушаат поп дивата, која напорно работеше во претходните недели за да го подготви овој концерт.

Јелена се заблагодари на својата верна публика во Македонија и на социјалната мрежа Инстаграм, каде објави фотографија од настапот и порача: „Те сакам Македонијо“!

– Луѓе, ви благодарам што ми го подобривте животот! Никогаш нема да ве заборавам! Ви благодарам за најубавата вечер во мојот живот – им порача ЈК на воодушевените обожаватели.