Сѐ е подготвено за последното збогување на пејачот на „Уан дајрекшн“, Лиам Пејн. Пред вратата на црквата стојат чувари, а преку улицата се собираат бројни обожаватели кои оставаат пораки, цвеќиња и свеќи за трагично загинатиот пејач.

Меѓу првите кои се појавија беа Хари Стајлс и Луис Томлинсон, членови на „Уан дајрекшн“. Недолго потоа се појавија и Зејн Малик и Најл Хоран.

Хари, Најл, Зејн и Луис пристигнаа одделно во црквата, што се смета дека е нивна прва заедничка средба како група од нивниот последен концерт во 2015 година.

На погребот е и неговата девојка Кејт Кесиди која беше со него во Аргентина. Со неа дојде и синот на актерката Елизабет Харли, Демијан.

Пристигна и Сајмон Кауел, човекот кој ги состави „Уан дајрекшн“, бендот кој им донесе светска слава на Лијам и на момчињата. Тој дојде со својата партнерка Лорен Силверман.

Кога сите влегле во црквата, ковчегот на Лиам Пејн бил донесен во бела кочија со два цветни аранжмани, од кои на едниот пишувало „тато“, а на другиот „син“.

За приватност на гостите на задниот влез во црквата е поставен бел шатор, а поради големиот број новинари пред црквата се поставени метални бариери.

Од самиот почеток се знаеше дека меѓу гостите ќе бидат сите негови поранешни колеги од бендот – Зејн Малик, Ниал Хоран, Луис Томлинсон и Хари Стајлс. Поради збогувањето со Лијам, Зејн одложи два настапи и им кажа на фановите дека тоа е поради „непредвидени околности“. Се очекува и неговата поранешна партнерка Шерил Кол, со која го добија синот Бер.

Пејн трагично загина на 31-годишна возраст на 16 октомври, откако падна од балкон на хотел на третиот кат во главниот град на Аргентина, Буенос Аирес. Само семејството и најблиските пријатели на Лиам ќе можат да присуствуваат на погребот, кој се одржува во неговиот роден град.