ФОТО / ВИДЕО: Додик ја обви Палатата на републиката во американско знаме во чест на Трамп
Вечерва на Палатата на Републиката во босанскиот град Бања Лука беше проектирана фотографија на Доналд Трамп со порака: „Република Српска честита“. Станува збор за зградата во која се наоѓа канцеларијата на лидерот на босанските Срби Милорад Додик.
Препорачано
Додик утрово во Бања Лука организираше и прослава во чест на победата на Доналд Трамп на претседателските избори во САД и ги изрази своите очекувања дека новата администрација ќе ги укине санкциите. Прославата тој ја продолжи и денеска, а објави и видео на социјалните мрежи.
Побједа @realDonaldTrump је и наша побједа. Славље у Палати Републике. pic.twitter.com/ixKxN3sVkJ
— Милорад Додик (@MiloradDodik) November 6, 2024
На истиот ден, администрацијата на САД соопшти дека воведува нови санкции против Додик. Канцеларијата за контрола на странски средства (OFAC), која работи под американското Министерство за финансии, на својата веб-страница објави дека се воведени санкции за личности кои „поддржуваат корумпирана покровителска мрежа во Босна и Херцеговина која се обидува да ги избегне американските санкции“.
„Оваа мрежа е директно поврзана со Игор Додик, синот на Милорад Додик, претседателот на Република Српска (РС). поткопување на довербата на јавноста во државните институции во Босна и Херцеговина и владеењето на правото“, се вели во соопштението.
Додик лани изјави дека доколку Трамп победи на изборите во САД, тој ќе прогласи независност на Република Српска. Во првичните изјави по победата на Трамп, тој денеска рече дека сега се создале услови „да завладее мир во светот“.
Поводом побједе @realDonaldTrump на предсједничким изборима у САД, Палата Републике освијетљена је у бојама америчке заставе. pic.twitter.com/E4421USu0o
— Милорад Додик (@MiloradDodik) November 6, 2024
