Американската пејачка Пинк изгледаше шокирано откако еден од посетителите на нејзиниот концерт фрли многу интимен „подарок“ на сцената.

Пинк за момент остана без зборови за време на неодамнешниот концерт кога обожавател фрли ќесичка со кремираните останки од неговата мајка на сцената, пишува „Њујорк пост“.

Пинк ја пееше четвртата песна од сетот на фестивалот „Бритиш самер тајм“ (British Summer Time) во лондонскиот Хајд Парк, кога зеде голема ќеса со бел прав што беше фрлена на сцената.

„Дали е ова твојата мајка? го прашала лицето кое ја фрлило ќесичката на сцената.

„Не знам како се чувствувам во врска со ова“.

Someone gave their Mothers ashes to Pink. I need yall to have boundaries like girl what?! ?? pic.twitter.com/OkL4762fEs

— Andrew (@AsAndrewSpeaks) June 26, 2023

Видно запрепастената пејачка потоа ја стави ќесичката зад звучниците на сцената и продолжи да ја изведува нејзината песна, „Џст лајк а пил“ (Just Like A Pill).

Пинк можеби не знаеше како се чувствува, но оние на социјалните мрежи сигурно знаеја, критикувајќи го посетителот на концертот за тој чин.

„Некој ѝ даде пепел од неговата мајка на Пинк. Треба да имате граници?“ напиша еден фан.

„Таа добро се справи со тоа, јас дефинитивно ќе се налутам ако некој ми ја подаде пепелта од мајка му“, рече друг.

Инцидентот следи по неодамнешните настани што ги поместуваат границите на концертите на поп-ѕвездите, пејачката Бебе Реџа на која еден од посетителите на концертот ѝ фрли телефон во главата, а колешката Ава Макс ненадејно го прекина неодамнешното шоу откако обожавател на сцената ѝ удрил шлаканица по лицето.