Британскиот крал Чарлс Трети и кралицата Камила ја посетија гробницата на Данте во Равена, Италија. Тие го сторија тоа на последниот ден од нивната посета на Италија, која вклучуваше средба со папата Франциск и говор на кралот пред италијанскиот парламент.

Илјадници луѓе мавтаа со британски знамиња и аплаудираа додека кралот и кралицата пристигнаа во историскиот центар на градот во североисточна Италија и се ракуваа со присутните. Седумдесет и шестгодишниот Чарлс изгледаше опуштено и весело. Оваа посета доаѓа помалку од две недели откако кралот беше накратко хоспитализиран откако претрпе несакани ефекти од третманот за рак.

 

View this post on Instagram

 

A post shared by The Royal Family (@theroyalfamily)

Кралот и кралицата присуствуваа на читање на последниот дел од „Божествената комедија“, најпознатото дело на Данте Алигиери, во Равена пред да го посетат неговиот гроб. Данте се смета за „татко“ на италијанскиот јазик, тој е роден и израснат во Фиренца, но бил протеран поради своите политички убедувања. Остатокот од својот живот го поминал во Равена, каде што починал во 1321 година.

Чарлс Трети, кој е на својата 18. официјална посета на Италија, но прва како крал, се осврна на големиот поет додека се обраќаше пред италијанскиот парламент во среда, делумно на италијански јазик.

„Се надевам дека нема толку многу да го осакатам јазикот на Данте бидејќи никогаш повеќе нема да бидам поканет во Италија!“ се пошегувал британскиот крал.

 

View this post on Instagram

 

A post shared by The Royal Family (@theroyalfamily)

Чарлс и Камила, во средата ја прославија 20-годишнината од бракот, го посетија папата Франциск, кој на 88-годишна возраст полека се опоравува од билатерална пневмонија.

Инаку, во Равена, кралот се восхитуваше и на познатите византиски мозаици од 5-ти и 6-ти век во базиликата Сан Витале, додека Камила го посети музејот „Бајрон“.

ВИДЕО | Кралот Чарлс свиреше популарна детска песничка на морков