Полицијата во Орландо обвини маж, 32-годишниот Џејтан Гилдер, дека ги лажел вработените во „Тифани и ко.) во продавница на Флорида, велејќи им дека претставува „професионален спортист“, поради што вработените му покажале „неколку парчиња накит со висока вредност“.

Гилдер тогаш наводно ги украл обетките и истрчал од продавницата, пренесува Би-би-си.

Кога полицајците го фатиле, забележале како „голта неколку предмети за кои се верува дека се украдени обетки“, соопшти полицијата.

Гилдер наводно се обидел да украде два пара обетки вредни 769.500 долари, како и дијамантски прстен што му паднал додека бегал од продавницата.

Полицијата подоцна објавила рендгенска снимка на која се гледа неговиот стомак со туѓ предмет внатре.

A Florida jewelry thief swiped more than $700,000 in earrings and then swallowed the evidence just before he was arrested near Orlando, officials say. https://t.co/JuzhO95KcC

— NBC News (@NBCNews) March 5, 2025

На прашање на Би-би-си, полицијата не соопштиla дали накитот е изваден.

Полицијата исто така соопштила дека Гилдер и претходно крадел од „Тифани“, ограбил продавница во Тексас во 2022 година.

За негово апсење има 48 налози и во Колорадо.

Полицијата го обвинила Гилдер за кражба на стока во вредност од повеќе од 100.000 долари.