Вооружениот напаѓач кој денеска уби едно лице и рани уште две други во канцеларијата на Службата за имиграција и царина во Далас, а потоа се самоуби напишал „АНТИ-ИЦЕ“ на еден од неискористените куршуми , соопштија официјални лица, пренесува Ројтерс.

Директорот на ФБИ, Кеш Пател, објави фотографија на Икс од она што тој го нарече неискористени чаури на осомничениот, на која се гледа една со зборовите „АНТИ-ИЦЕ“ напишани по должината на страната.

„Додека истрагата е во тек, првичниот преглед на доказите покажува идеолошки мотив зад овој напад“, напиша Пател.

This morning just before 7am local time, an individual fired multiple rounds at a Dallas, Texas ICE facility, killing one, wounding several others, before taking his own life. FBI, DHS, ATF are on the ground with Dallas PD and state authorities.

While the investigation is… pic.twitter.com/SMOyxiKLqA

— FBI Director Kash Patel (@FBIDirectorKash) September 24, 2025

На брифинг за медиумите во Далас, официјалните лица го открија постоењето на чаурите, но нагласија дека истрагата е сè уште во рана фаза. Властите го третираат нападот како „чин на целно насилство“, изјави за новинарите Џозеф Ротрок, специјален агент задолжен за теренската канцеларија на ФБИ во Далас.

Службените лица не дадоа никакви детали за идентитетот на осомничениот.

Напаѓачот отворил оган врз канцеларијата од соседната зграда околу 6:40 часот по локално време, соопшти полицијата. Две лица се префрлени во болница со прострелни рани, додека трето лице починало на местото на настанот.

ВИДЕО | Пукање во канцеларијата на ИЦЕ во Далас – три лица повредени, напаѓачот мртов

Полициските службеници не беа повредени во пукањето, соопштија официјални лица. Нападот се случил во теренска канцеларија на ИЦЕ, а не во притворен центар, каде што службениците на ИЦЕ спроведуваат краткорочна обработка на неодамна уапсени притвореници.

„Изгледаше како да е снајпер или некаков вид истрел од долга линија“, изјави Триша Меклафлин, портпаролка на Министерството за внатрешна безбедност, за емисијата „Фокс енд Френдс“ на Фокс њуз претходно во среда.

Инцидентот се случува две недели по убиството на конзервативниот активист Чарли Кирк од снајперист за време на настан во Орем, Јута, што ги разгоре стравувањата од нов бран политичко насилство во Соединетите Држави.