ФОТО | Телескопот Џејмс Веб за првпат забележа планета надвор од Сончевиот систем
Вселенскиот телескоп Џејмс Веб за првпат забележа планета надвор од Сончевиот систем, оддалечена 110 светлосни години, соопштија научниците.
Препорачано
Телескопот директно ја снимил младата планета од типот гасен џин, со големина приближна на Сатурн, која орбитира околу ѕвезда помала од Сонцето, оддалечена околу 110 светлосни години од Земјата, во соѕвездието Антлија, велат истражувачите.
Планетата орбитира околу својата ѕвезда, наречена TWA 7, на оддалеченост околу 52 пати поголема од растојанието помеѓу Земјата и Сонцето. За споредба, Нептун орбитира на околу 30 пати поголема оддалеченост од Сонцето отколку Земјата, пренесува „Ројтерс“.
The James Webb Space Telescope has captured a detailed infrared image of a young exoplanet orbiting a star 363 light-years away. The planet, known as 2M1207 b, is four times more massive than Jupiter and glows with heat from its formation. This direct observation offers new… pic.twitter.com/UadHnCakAG
— Cosmoknowledge (@cosmoknowledge) June 26, 2025
Новoоткриената планета и нејзината ѕвезда се исклучително млади – околу шест милиони години, во споредба со староста на Сонцето и нашиот Сончев систем, која изнесува приближно 4,5 милијарди години.
Повеќето од околу 5.900 егзопланети откриени од 1990-тите наваму се идентификувани со индиректни методи, како што е набљудувањето на благиот пад на светлината на ѕвездата кога планетата минува пред неа – метод познат како транзитна техника.
Помалку од два процента од планетите надвор од Сончевиот систем се директно снимени, како што направи Веб со новооткриената планета.
Иако оваа планета е голема во контекст на нашиот Сончев систем, таа всушност е најмалку масивната планета досега откриена преку директно снимање – дури 10 пати помала од планетата која претходно се сметала за најмала снимена на овој начин.
