Македонскиот рапер Христијан Тасковски – Таско и неговата сопруга Наташа имаа прекрасна година на семејно поле. Тие повторно станаа родители во септември, кога на свет пристигна нивната ќерка Кирјана.

Да потсетиме, Таско и Наташа се во брак речиси три години, а во јуни 2023 година го добија синот Лукијан.

Сега тие направија празнична семејна фотосесија и открија на кои работи ќе се фокусираат годинава.

„Оваа година ќе се посветиме на личен развој, подобро здравје и повеќе време поминато со најблиските. Ќе се фокусираме на нашите цели и ќе работиме напорно за да ги оствараме. Ќе учиме нови работи, ќе се стремиме кон подобрување на себе и ќе се потрудиме да бидеме подобри луѓе.

Нека оваа година ви донесе здравје, љубов, нови можности и многу радост!“, напишаа Таско и Наташа на своите инстаграм-профили.