Гитаристот Мартин Филиповски од музичкото дуо „Некст тајм“ и неговата сопруга, ракометарката Андреа Белеска, станаа родители на нивното прво заедничко дете.

Познатиот музичар ја сподели среќната вест на социјалните мрежи, каде објави фотографија од бебешкото раче на девојчето и откри дека на ќерката ѝ го дале името Лиана.

„Светот во раце. Лиана, добредојде“, напиша тој во описот на фотографијата, откривајќи го името на новиот член на нивното семејство.

Да потсетиме, Мартин Филиповски и Андреа Белеска стапија во брак во јуни минатата година. Тие направија црковна свадба во Кичево, родниот град на Белеска, а потоа и прослава во еден скопски ресторан.

„Кога си со вистинската личност, тоа прави да ја покажеш најдобрата верзија од себеси“, напиша тогаш Филиповски на социјалните мрежи.

„Некст Тајм“ го промовираа новиот албум: Го посветуваме на нашите две мајки