Светлана Црнокрак, една од најпознатите македонски манекенки, вчера (18 февруари) го прослави својот 49. роденден во домашна атмосфера, опкружена со најблиските.

Таа ги дувна свеќичките на чоколадната торта и сподели неколку моменти на својот инстаграм-профил, каде што пристигнаа бројни честитки од пријатели, колеги и обожаватели.

Меѓу најемотивните пораки беше онаа од нејзината ќерка Моника, која исто така чекори по нејзините модни стапки.

„Ѝ посакувам среќен роденден на мојата кралица. Ти заслужуваш сè на овој свет. Те сакам бескрајно“, напиша Моника, покажувајќи ја силната врска меѓу нив.

Светлана важи за жена која со стил и елеганција старее, а многумина велат дека никогаш не изгледала подобро. Со својот изглед и енергија, таа докажува дека возраста е само бројка, а вистинската убавина доаѓа од самодисциплината и љубовта кон себе.

Интервју со Светлана Црнокрак: Диета со гладување – НЕ