Пред пет дена Александар Маленко објави на социјалните мрежи дека го добил управниот спор против Пливачката федерација. На 3 ноември Маленко на својот Фејсбук профил објави со кој, се докажува и покажува секаква досегашна „легална работа и раководење“ во последниве 27 месеци во име на Пливачка Федерација, односно било НЕЛЕГАЛНО во секоја смисла, со измислени и непостоечки правни субјекти „пливачки клубови и лица“, кои во име на пливачка федерација и програмски активности добивале финансиски средства од програмски буџет, спортски ваучери, олимписки комитет, општини и спонзори.

Денеска Националната Пливачка федерација на Северна Македонија предводена од претседателот Горан Стојановски излезе со соопштение дека Александар Маленко достави покана до сите спортски федерации, МОК и до медиуми со која ги повикува на заедничка работна средба за ден 09.11.2023 година во хотел Панорамика Скопје, на наводна средба за „Соочување со моменталната ситуација во Олимписките спортови во Македонија и можни санкции од меѓународните спортски институции“.

– Лицето Александар Маленко во оваа покана лажно се преставува како претседател на Пливачка федерација на Македонија и ова не е првпат да се случува. Согласно Законот за спорт, во секој спорт е дозволено регистрирање на една федерација. Во спортот пливање една и едниствена федерација во РС Македонија која е регистрирана во Централен регистар на РСМ и која има решение за вршење на дејност спорт издадено од Агенција за млади и спорт е Национална Пливачка Федерација на Северна Македонија, седиште Градски Парк бб, Сала КК Работнички Скопје, ЕМБС5134846 и ЕДБ4030996160921, чиј претседател е Горан Стојановски од Скопје.

Наводната Пливачка федерација на Македонија на која како претседател се преставува лицето Александар Маленко ниту е регистрирана во Централен регистар на РСМ ниту пак има решение за вршење на дејност спорт. Александар Маленко нема никаков легитимитет да се појавува во јавноста и да говори од името на пливачите и пливачките работници.

Воедно сакаме да ја запознаеме пошироката јавност за ситуацијата во која, Александар Маленко ја остави Пливачката Федерација додека беше нејзин регуларен и признат Претседател:

• 09.06.2021 одлука 03-51/21 за суспензија на нашиот најдобар пливач во тоа време, Деркоски Филип поради наводно непојавување на допинг тест (ова е отфрлено од страна на Националната Антидопинг агенција која потврди дека Деркоски Филип никогаш не бил повикан на допинг тест)
• Неисплаќање на награден фонд во износ од 15000 американски долари на пливачите учесници на Светскиот куп во далечинско пливање во Охрид 2019 година
• Неисплаќање на награден фонд во износ од 20000 американски долари на пливачите учесници на Светскиот куп во далечинско пливање во Охрид 2021 година
• Неисплаќање на котизации за одржување на споменатите маратони вкупно 10.000 евра
• Неисплатени трошоци за делегатите на Европскиот куп во далечинско пливање во Охрид 2021 година
• Драстично нарушување на угледот на федерацијата во меѓународни рамки, особено во Европската федерација (LEN / European Aquatics) и во Светската федерација (FINA / World Aquatics), особено после скандалот предизвикан на Европското првенство во Рим, Италиjа 2022.

• Неисплатени трошоци од организирање на наведените маратони кон угостителски објекти, хотели и слично после што Националната пливачка федерација е задолжена за дополнителни 50.000 евра.
• Неисплатени трошоци кон биохемиски лаборатории за Ковид тестови и слично.

Ова е само мал дел од проблемите кои ги наследи новото раководство и за кои е избегната суспензија од страна на Светската пливачка федерација и од Европската пливачка федерација.

Поради тоа најостро ги демантираме сите наводни покани за работни средби кои произлегуваат од страна на Александар Маленко каде што истиот лажно се претставува како Претседател и за истите ќе биде покренато соодветно обвинение до надлежните институции.

НАЦИОНАЛНА ПЛИВАЧКА ФЕДЕРАЦИЈА
НА СЕВЕРНА МАКЕДОНИЈА
Претседател
Горан Стојановски