Неполни десет месеци откако беше претставена велосипедската патека на улицата „Лондонска“ во скопската населба Тафталиџе, столпчињата кои ја раздвојуваа патеката од коловозот се згмечени и „срамнети со земја“ по речиси целата нејзина должина.

Возачите, од претходно свикнати на оваа улица да ги паркираат автомобилите, продолжуваат да то прават тоа, не водејќи сметка дали притоа ги оштетуваат пластичните столпчиња.

„Лондонска“, која се протега од студентскиот дом „Гоце Делчев“ до булеварот „Партизански одреди“ кај „Сити мол“, е една од најфреквентните улици во овој дел на Скопје, а велосипедската патека издвоена од коловозните ленти за автомобили беше долгогодишно барање на граѓаните и на здруженијата на велосипедисти.