Златните глобуси се одржаа во неделата вечер, на 5 јануари, по 82-ри пат. Најголемите холивудски ѕвезди со стил прошетаа на црвениот тепих и целосно воодушевија со комбинации на облека. Продефилираа култните актерки Никол Кидман, Анџелина Џоли и Деми Мур, како и претставници на новите надежи и помладите генерации, како Зендаја.

Еве како изгледаа холивудските ѕвезди на Златните глобуси и кои модни комбинации ја одбележаа овогодинешната церемонија.

Зендаја со години важи за една од најдобро облечените жени во светот, а тоа го покажа и на овогодинешното доделување на Златните глобуси. Таа носеше портокалов фустан на Луј Витон, кој го искомбинира со дијаманти и со тоа го оживеа стариот холивудски гламур.

Никол Кидман, вообичаено ги воодушеви сите присутни, а нејзината тоалета особено го истакната нејзиниот извајан грб во блескав бел фустан од високата мода на „Баленсијага“.

Ѕвездата на филмот „Марија“, Анџелина Џоли изгледаше беспрекорно во сребрено-сив фустан со реси, од пролетната колекција 2025 на „Меквин“.

Омилената ѕвезда на вечерта на многу луѓе, Деми Мур, изгледаше неверојатно во златен корсет фустан на „Армани“, кој беше совршено едноставен, а сепак толку гламурозен и впечатлив.

Мајли Сајрус избра елегантен фустан со црни и сребрени нијанси, со кој особено ја истакна својата совршена фигура.

Ема Стоун се одлучи за темноцрвена креација, а во преден план беше нејзината нова пикси фризура.

А тука беше и Селма Хаек во кафен фустан со светки. Она што е особено впечатливо е нејзината коса, која очигледно е седа, а со тоа Селма го прифати долгогодишниот тренд кој промовира природност и прифаќање на стареењето на најубав можен начин.