Египетските археолози открија повеќе од 1.000 недопрени делови од ѕидот на темелите на храмот на кралицата Хатшепсут во долината Луксор и блиската гробница на кралицата Тети Шери, пренесува „Ројтерс“.

Раководителот на тимот Захи Хавас, египетски археолог и поранешен министер за антиквитети ги води ископувањата на оваа локацијата од 2022 година.

„Ова е првпат да откриеме 1.500 украсени блокови, најубавите сцени што сум ги видел во животот“, изјавил Хавас.

Во близина е пронајдена и плоча од варовник, на која е испишано името на архитектот Сенмут, кој работел за Хатшепсут.

Инаку, кралицата Хатшепсут е една од само неколкуте жени кои независно владееле со Египет. Таа владеела за време на 18-та династија на Новото Кралство и починала во 1458 п.н.е., но нејзиниот храм бил срушен неколку векови подоцна.