Прилично е фрустрирачки кога ќе пристигнете рано наутро за време на вашиот одмор, за да добиете добро место на плажата, а излегува дека сите други ја имале истата идеја. Во Италија ова е честа појава – пренатрупаноста сè уште е проблем на туристичките атракции, пешачките патеки и плажите.

Иако бројот на посетители на плажата Туереда на Сардинија е ограничен на 1.100 луѓе дневно од 2020 година, локалните власти најавија дополнителни контролни мерки.

Оваа плажа, која се наоѓа во заливот во близина на градот Теуладо на јужниот брег на Сардинија, е позната по својот пенлив бел песок и обликот на полумесечина. Меѓутоа, доколку планирате да го посетите ова лето, ќе мора однапред да резервирате место онлајн. Според Анџела Милија, градоначалник на Тевалда, кој зборуваше за локалните медиуми, планот е апликацијата за резервација да биде готова до јули.

Оваа мерка е само една од многуте дискутирани на кризниот самит одржан минатата недела во Амалфи. Градоначалниците на туристичките градови низ Италија – вклучувајќи ги Капри, Позитано, Чинкве Тере и Таормина – се собраа да разговараат за растечкиот проблем со прекумерниот туризам.

Според британски „Телеграф“, многу градоначалници бараат поголема слобода во воведувањето рестрикции за туристите во најфреквентните периоди, можност за наплата на такси, како и поголема улога во координацијата на сообраќајот.

На самитот беше изразено незадоволството од бавниот одговор на националната влада во решавањето на проблемот со пренатрупаноста, а како важен заклучок беше истакната потребата од подобра соработка меѓу локалните власти и сообраќајните служби.

 

View this post on Instagram

 

A post shared by Sardegna (@sardegna)