ФОТО | „Слоновото стапало“ – oва е најопасниот објект на Земјата, може да убие човек за пет минути
Во срцето на озлогласената зона на исклучување во Чернобил се наоѓа смртоносен радиоактивен објект што некогаш можел да убие човек за само неколку секунди.
Препорачано
И денес „Слоновото стапало“ е синоним за смртна казна.
„Слоновото стапало“ е всушност маса од високо радиоактивен материјал формиран по нуклеарната катастрофа во 1986 година.
Вработените во службата за итни случаи ја пронашле токсичната маса висока три метри во темната комора под реакторот број 4.
Тие набрзо пронашле нешто што изгледа како црна лава што истекува од пукнатото јадро. Според читањата од инструментите кои го мерат зрачењето (радијацијата), од сè уште топлиот бетон и денес се емитува доволна количина зрачење да може да убие возрасен човек за само пет минути.
Само неколку минути изложување би предизвикало внатрешно крвавење, неконтролирано повраќање, дијареја (пролив) и по пет минути, сигурно, болна смрт.
Според научното списание „Наутилус“, 30 секунди изложеност на објектот ќе значи дека вашите клетки ќе почнат да крвават. Ако поминете 300 секунди во објектот, имате уште два дена живот, пишува „Унилед“.
The “Elephant’s Foot” in Chernobyl – the most dangerous object on Earth. Will remain so for the next 100,00 years. 300 seconds of exposure and you will be dead in 2 days. pic.twitter.com/oCQu649ccv
— Creepy.org (@creepydotorg) April 7, 2024
Многумина веруваат дека „Слоновото стапало“ е најопасниот отпад во светот, а и денес влегувањето во комората во која оваа маса полека се лади значи потпишување на смртна казна.
Само две официјални фотографии од „Слоновото стапало“ на Чернобил досега беа објавени во јавноста, но поради неговото смртоносно зрачење, радијацијата влијаела дури и на камерите. Затоа фотографиите се со полош квалитет, без разлика на опремата со која се направени.
Постоењето на оваа маса и денес го прави градот непогоден за живеење за луѓето и така ќе биде барем во следните 100 години. Се стравува дека токсичната маса може да се стопи во подземните води, што би можело да предизвика нова експлозија или да ја загади водата на околните села.
The “Elephant’s Foot” is a highly radioactive mass that was formed during the Chernobyl nuclear disaster in April 1986. After the reactor’s core melted, the molten material combined with concrete, sand, and other substances, creating a highly toxic substance. This mass eventually… pic.twitter.com/ksxcltaDm0
— *~_Big Dre_~* (@Andree22_00) April 7, 2024
