Санторини и Миконос, едни од најубавите грчки острови, често остануваат недостапни за просечниоте граѓанин бидејќи овие рајски дестинации се наменети за оние со малку подлабок џеб.

Сепак, постои остров, сличен на Санторини, во истата егзотична, сончева островска група на Кикладите, со златни плажи, долини богати со маслинови дрвја и лозја, бели куќи, поплочени улици со камен, балкони од кои ти се насмевнуваат розови цвеќиња, а тоа е островот Парос.

Парос е омиленото одморалиште на Грците, кои сè уште љубоморно го чуваат од инвазијата на туристите и го нарекуваат „Санторини за сиромашни“, бидејќи го нуди истото неверојатно искуство и морска идила што ретко ќе ја најдете на друго место во светот по многу попристапни цени.

Овој бисер на Грција е познат по својата традиционална архитектура и специфична атмосфера поради прекрасната, смирувачка белина насекаде околу вас, но и неговата кристална вода и богатата историја.

Главен град на островот е шармантната Парикија, која повеќе наликува на мало гратче, кое е изградено на остатоци од антички храм, а речиси на секој чекор ќе наидете на мали, бели цркви. Сепак, највпечатлива е византиската „Црква од сто врати“, која е и најголемата атракција на ова место, покрај енергијата што ја поседува овој мал град.

Покрај прошетката во која мирисот на морето влегува во секоја ваша пора и го чувствувате истиот ветер како нежно ги ниша листовите од портокалите и калинките како ве гали, Парикиа нуди и богата кетеринг понуда – можете да уживате во неа дење и ноќе во кафулиња, ресторани, барови, ноќни клубови…