Деми Ловато се појави на Модната недела во Париз, а нејзиното појавување предизвика многу реакции. Додека некои обожаватели ја опсипуваа со комплименти за нејзиниот „подмладен“ изглед, други веднаш почнаа да шпекулираат за козметички процедури, пренесува „Дејли мејл“.

Овие дискусии за можни естетски корекции доаѓаат и покрај нејзината долга и јавна борба со зависноста и „ненамерното“ губење на тежината. Интересно е што 33-годишната Ловато признала дека користела инјекции против брчки Ксеомин, за кои била и заштитно лице, но никогаш не потврдила дека се подложила на пластична операција.

Откако се појави на Модната недела во Париз, медиумите објавија за нејзиното „стегнато“ лице, а социјалните мрежи беа преплавени со коментари за нејзиниот изглед.

„Што не е во ред со нејзиното лице?“, „Каква зомбификација е ова?“ и „Изгледа како Деми Мур“ и „Уапсете го нејзиниот пластичен хирург“, се само дел од коментарите на социјалните мрежи.

Иако Ловато никогаш не потврди дека се подложила на естетска хирургија, таа отворено зборуваше за употребата на Ксеомин, инјектирачки токсин сличен на ботоксот што се користи за намалување на брчките.

Во март 2024 година, таа изјави за списанието „Пипл“ дека нејзината одлука да користи Ксеомин била „овластувачка“.

„Го вклучувам Ксеомин во мојата рутина на секои три месеци и ми ги дава резултатите што ги сакам, а сепак изгледам како мене“, рече таа. Додаде дека „секогаш е транспарентна со своите обожаватели“ и дека со споделувањето на своето искуство, сака да помогне во нормализирањето на ваквите третмани и „да се отстрани табуто околу инјекциите“.