Познатиот американски актер и режисер Шон Пен (64) неодамна беше фотографиран на аеродромот во Лос Анџелес со нова девојка.

Валерија Ницов е млада актерка од Молдавија, која се занимава и со манекенство. Нејзината точна возраст не е позната, но се смета дека е во 20-тите години, што би значело дека е помлада и од децата на познатиот актер, 33-годишната ќерка Дилан Френсис и 33-годишниот син Хопер Џек, кого го имал со Робин Рајт.

Двократниот оскаровец во јуни вети дека „ќе остане сингл“ дури и ако влезе во врска, па така „ниту една романса никогаш повеќе нема да му го скрши срцето“.

„Јас сум слободен. Дури и ако сум во врска, сè уште ќе бидам слободен или пак нема да бидам во врска“, изјави Шон за „Њујорк тајмс“ и додаде: „Нема да бидам повреден повторно.“

Тој исто така нагласи дека верува дека врските не мора да бидат „драматични и исцрпувачки“ и дека „сака да избегне непотребна драма“.

Шон Пен и Валерија беа видени и на почетокот на септември годинава во Мадрид. Тие беа фотографирани додека шетаат, а во еден момент дури и се бакнуваа, напиша тогаш „Дејли мејл“.

Да потсетиме, актерот зад себе има три пропаднати брака. Тој беше во брак со Мадона од 1985 до 1989 година, а потоа во 1996 година се ожени со Робин Рајт, од која се раздели во 2010 година, со која има две деца. Тој по една година брак се разведе од австралиската актерка Лејла Џорџ, која беше 32 години помлада од него.

После тоа, тој беше виден како се забавува со украинската актерка Олга Короткова, 19 години помлада од него, а потоа и со австралиската актерка Натали Кели, 24 години помлада од него.

ФОТО | Шон Пен сочно ја бакнува 20 години помладата девојка Олга