ФОТО: Шампионска Битола е комплетно зелена, Еурофарм Пелистер победнички ја заврши сезоната
Еурофарм Пелистер ја слави шампионската титула, во својот последен натпревар сезонава во македонската ракометна Суперлига пред своите навивачи со 35:26 триумфираше над ГРК Тиквеш.
Препорачано
-
1
-
2
-
3
Гостите од Кавадарци водеа по првото полувреме со 35:26, но битолската екипа предводена од тренерот Александар Јовиќ направија целосен пресврт во вториот дел.
Пред натпреварот навивачите во салата „Боро Чурлевски“ ја поздравија последната генерација со која клубот од Битола беше шампион на Македонија од сезоната 2004/2005.
Воедно пред почетокот на мечот имаше и шампионски „шпалир“ од ГРК Тиквеш за ракометарите на Еурофарм Пелистер.
На денешниот дуел најефикасен во победничките редови беше Ненад Костески со седум голови, Петар Атанасијевиќ имаше шест, а Усама Хосни пет. На спротивната страна Лазар Петровиќ шестпати се запиша во листата на стрелците.
Следната натпреварувачка сезона 2023/2024 Еурофарм Пелистер ќе ја претставува Македонија во ЕХФ Лигата на шампионите.
