Пристигна декември, а со него и официјално започна сезоната на светки. Ги гледаме речиси во секоја продавница и речиси на секое парче – од чевли, до здолништа и фустани, до палта. Исто како што светлата трепкаат на новогодишните елки, без разлика дали се во домовите или на улиците на градовите, сѐ повеќе жени избираат да блескаат во нивните декемвриски изданија.

Сепак, стилизирањето на парче со светки не е толку едноставно како што може да изгледа на прв поглед. Изгледот многу лесно може да стане кич и невкусен, а тоа не е ничија цел. Сепак, Селена Гомез знае како да стилизира палто со светки и сепак да изгледа стилски.

При пристигнувањето на ток-шоуто „The Late Show With Stephen Colbert“ во Њујорк претходно оваа недела, Гомез носеше црно палто со светки, кое го комбинираше со едноставни, но елегантни парчиња. Нејзиното издание беше хит, совршено за празничниот месец.

Нејзиниот аутфит се состоеше од долг црн кожен капут обложен со крзно, црно кожено мини здолниште, бела кошула и високи потпетици од Кристијан Лобутин. Нејзината шминка беше едноставна и пристојна, а косата ја стилизирала во боб фризура.

„Таа е толку убава“, „Изгледа неверојатно“, „Таа блеска“, „Таа е преслатка“, „Таа е најдобра“, „Блеска како ѕвезда“, „Најдобра е“, напишаа луѓето на социјалните мрежи под видеата и фотографиите од Селена во ова издание.