Стефан Ристовски од денеска ја започна својата епизода во ФК Сараево и им се приклучи на новите соиграчи на подготовките во Словенија, босанскиот клуб претходно потврди дека македонскиот фудбалер потпишал договор до 2027 година.

Ристовски е првото засилување во новата ера на Сараево под водство на техничкиот директор Крсте Велкоски кој е уште еден поранешен македонски репрезентативец кој неодамна ја презеде новата функција. Велкоски, кој остави силен печат во клубот како фудбалер, сега ја започнува својата менаџерска приказна со ангажманот на својот поранешен соиграч.

Клубот од Сараево пристигнувањето на Ристовски го потврди преку заедничка фотографија со Велкоски, симболично означувајќи ја новата страница во нивната соработка.

Од Ристовски се очекува да внесе стабилност, лидерство и искуство во редовите на Сараево и да биде една од клучните фигури во борбата за трофеи во претстојната сезона.