ФОТО | Првата жена во историјата која води вести со тетоважа на лицето: Ова е голема победа за мојата генерација
Телевизиска новинарка од Нов Зеланд стана првата личност во историјата на водители која води информативна програма со истетовирано лице, а со својот потег испрати силна порака, пренесува „Си-Ен-Ен“.
Препорачано
Веднаш штом се појави на програмата на националната телевизија, Орини Кајпара го привлече вниманието.
Водителката на лицето има традиционална маорска тетоважа позната како „moko kauae“ која си ја направила во 2017 година, откако нејзиниот ДНК тест покажал дека таа е сто проценти припадник на таа нација.
View this post on Instagram
Иницијациски момент
Самата тетоважа го означува преминот на девојка во возрасна жена, а Орини не крие колку е горда што ја носи.
„Свесна сум дека сум првата што го направила ова. Сакам тоа секогаш да ме води – секој мој чекор и дело да урива ѕидови. Ова е некој нов терен за нас, но и за Маорите“, изјавила водителката за странските медиуми.
View this post on Instagram
Огромен чекор за неа
„Ова беше мојата цел, да ги пренесувам вестите во ударен термин и тоа се случи“, рече таа.
Многу носители на тетоважи се соочиле со различни форми на дискриминација – им бил забранет влез во одредени објекти, биле отпуштени или немале можност да се вработат, а честопати доживеале малтретирање, физичко и вербално. Сепак,
се чини дека времињата се менуваат.
View this post on Instagram
Водителката е посветена на акцијата за ревитализација на традициите и обичаите на својот народ, а нејзиното присуство во вестите може да ги натера другите да ја прифатат нивната култура и оваа промена.
„Сфаќам дека ова е многу поголема работа од само раскажување приказни кои се важни за сите нас. Ова е голема победа за мојата генерација, но и за следните десет. Не дозволувајте идентитетот или културата да ве спречат да успеете. Искористете го како ваша моќ и правете добри работи за луѓето“, посочи новинарката.
