ФОТО | „Причината се моите бујни гради“: Били Ајлиш изгубила 100 илјади следбеници на Инстаграм поради една фотографија
Американската пејачка Били Ајлиш (22) откри како се чувствувала кога изгубила 100 илјади следбеници на социјалната мрежа Инстаграм поради една фотографија.
Препорачано
Кога се појави на сцената, Ајлиш често носеше широка облека, но со текот на времето – нејзиниот стил се смени. Ова не им се допадна на некои од нејзините обожаватели.
Во јуни 2021, пејачката се најде на насловната страница на британското издание на списанието „Вог“, со изглед кој ги изненади сите. За потребите на таа фотосесија, Ајлиш го смени стилот на косата и облече корсет кој ги истакна нејзините гради. Додека некои го пофалија нејзиното провокативно издание, многумина не беа задоволни. Тогаш таа изгуби 100 илјади следбеници на оваа популарна социјална мрежа.
Ајлиш, која сега има повеќе од 119 милиони следбеници на Инстаграм, подоцна откри како тоа случување ѝ влијаело на нејзиното ментално здравје и се осврна на опсесијата на обожавателите со нејзиниот изглед.
„Имам бујни гради од својата деветта година и таква сум. Вака изгледам. Ако облечам нешто разголено, сите ми коментираат: „Па, нели не сакаше да те сексуализираат?“. Тргнете ми се, јас понекогаш сум и сексуално суштество“, објасни таа.
„Никој никогаш не кажува ништо за машките тела. Ако сте мускулести, супер. Ако не сте, супер. Ако сте многу слаби, супер. Ако сте буцкасти, супер! Знаете зошто? Затоа што девојките се љубезни и драги. На нас не ни е важен физичкиот изглед затоа што сакаме да ги перцепираме луѓето онакви какви што се навистина“, заклучи Ајлиш.
ФОТО | Били Ајлиш ги загрижи обожавателите: „Што ѝ се случило со рацете?“
