ФОТО | Престон Лајонс доби плакета за прогласување на Андон Дончевски за почесен претседател на Вардар
Денеска во пријателски натпревар одигран на Тренинг центарот „Петар Милошевски“ во Скопје фудбалерите на Престон Лајонс од Австралија со 4:2 беа подобри од Вардар.
Препорачано
Македонскиот фудбалски клуб од Австралија е на турнеја во нашата земја каде за два дена ќе тестира и против битолски Пелистер како подготовка за австралиското првенство.
Престон Лајонс е фудбалски клуб на македонските иселеници во Австралија. Главно составен од фудбалери со австралиски пасош, во чии редови е и поранешниот македонски репрезентативец, Метју Божиновски.
Воедно покрај тоа што клубот силно се поврзува со македонската дијаспора во Австралија, асоцира и со легендарниот тренер, екс стратег на Вардар и наш поранешен селектор Андон Дончевски, со долго работно искуство во Мелбурн.
Пред почетокот на натпреварот Вардар – Престон Лајонс беа доделени благодарници за гостинскиот тим. Воедно ФК Вардар по Престон Лајонс ќе ја испрати и најавената плакета за почесен претседател на Вардар, за легендата Андон Дончевски, кој живее во Австралија.
Инаку Престон Лајонс е формиран во 1947 година и долг период беше познат под името Престон Македонија, како симбол на македонската заедница во Австралија. Има титули во 1980, 1994, 2002 и 2007 година.
ФОТОГАЛЕРИЈА | Македонскиот симбол од Мелбурн тестираше против Вардар
