Во Скопје синоќа се одржа традиционалниот Виенски бал, хуманитарен настан во рамки на кој се одбележа виенската култура. Балот традиционално се одржува секоја година во чест на австриската култура.

Виенскиот бал има дрескод – дамите се облечени во свечани долги тоалети, а мажите во темен костум, смокинг или во униформа.

Познатите Македонки синоќа блеснаа во елегантни тоалети. Марјана Станојковска, Ирена Спировска, Вера Мештеровиќ се само некои од дамите кои донесоа гламур на синоќешната манифестација.

Водителка на настанот беше некогашната мис на Македонија, Вера Мештеровиќ.