Американскиот магазин „Пипл“ ја објави насловната страница на Инстаграм по повод 50-тото издание на која позираат бројни ѕвезди од Холивуд.

Поводот за славење на магазинот е голем, но она што на многумина им привлече внимание беше уредувањето на фотографијата.

Набрзо, корисниците на социјалните мрежи почнаа да ги исмеваат поради лошиот фотошоп.

Никол Кидман, Џенифер Анистон, Дру Баримор, Вајола Дејвис, Мајкл Џеј Фокс, Двејн Џонсон, Џон Леџенд, Метју Меконахи, Серена Вилијамс, Опра Винфри, Рис Витерспун и куче од расата корги со круна, се ѕвездите кои ја красат насловната страница на магазинот што предизвика многу коментари.

„Премногу фотошоп или?“; „Анистон изгледа двојно помладо“; ​​„Сите се фотошопирани, немаат ниту една брчка“; „Ова е навистина лош фотошоп“; „Можеше барем да се сликаш од нив заедно во иста соба“; „Ајде луѓе, овие фотографии со вештачка интелигенција се страшни“; „Сè беше во ред додека не видов како изгледа Опра“; „Дали се овие фотографии со вештачка интелигенција? Ова не може да биде реално“, се дел од коментарите.