Џеки Апостел, десет години постарата девојка на Круз Бекам, на социјалните мрежи сподели фотографија од лузната што ја има по должината на ‘рбетот и откри дека имала тежок период во животот.

Таа не ги откри деталите, но објасни дека по операцијата морала повторно да научи да оди.

„Случајна мисла – Лудо е што пред три месеци повторно учев да одам и не можев да станам. Тешко ми беше физички и психички. Ми требаше долго време да се вратам во нормала. Телата се феноменални и способни за толку многу“, напишала таа.

Бразилската пејачка вели дека сите треба да се чувствуваме благодарни што сме силни, без разлика низ што поминуваме.

„Сите знаеме дека е во ред да не се биде во ред. Се надевам дека сите се грижите за себе колку што е можно повеќе и одвојувате време да се фокусирате на вашето ментално и физичко здравје. Исто така, треба да проверите како се вашите пријатели“, додала таа.

Инаку, Џеки и Круз, синот на Дејвид и Викторија Бекам, почнаа да се забавуваат во јуни. Таа неодамна се појави со него на ревијата на неговата мајка Викторија Бекам на модната недела во Париз. На модната ревија таа носеше креација дизајнирана од Викторија. Многумина веруваат дека таа и Џеки многу личат. Иако Џеки е 10 години постара од него, тие тврдат дека одлично се сложуваат.

Cruz Beckham’s girlfriend Jackie Apostel’s mystery ordeal: Songwriter, 29, reveals her huge surgery scar and says three months ago she was ‘relearning how to walk’

https://t.co/EKe05NR5hr pic.twitter.com/abafTjhmwe

— Readean (@readeancom) October 28, 2024

Синот на Бекам започна врска со 10 години постара бразилска пејачка: Заедно ја поддржаа Викторија Бекам на Париската модна недела