Јапонец пристигна во Кејптаун во неделата, завршувајќи повеќе од 6.000 километри патување со рикша од Кенија до Јужна Африка, пренесуваат странските медиуми.

Јуџи Гамп Сузуки беше емотивен додека им се заблагодари на оние кои го поддржаа за време на неговиот последен потфат, кој започна во главниот град на Кенија во јули и го однесе во Танзанија, Замбија, Боцвана и Намибија.

„Не можев да го направам тоа без вас. Трчам од забава. Патувам девет години и добивам сила од вас, така што и јас ви давам сила. Тоа е мојот живот“, рекол тој.

Инаку, Сузуки веќе ја влечеше својата рикша (двоколка) од Кина во Индија од 2016 до 2017 година. Тој патувал 2.500 километри со неа во Европа во 2017 година и 5.100 километри во САД од 2022 до 2023 година.