ФОТО | Полициска интервенција во Дрезден поради можна заложничка криза
Полициски сили интервенираа утрово во центарот на Дрезден, главниот град на германската сојузна покраина Саксонија, поради „сомнеж за земање заложници“, соопшти локалната полиција.
Неколку медиуми, меѓу кои и „Билд“, објавија дека маж вооружен со пиштол се засолнил во продавница во трговски центар, откако пукал во просториите на радиостаница во градот.
Наводно, 40-годишниот напаѓач ја убил жената пред да се засолни во трговски центар, додава „Билд“, без да ја прецизира локацијата на убиството.
„Полицијата спроведува акција во центарот на градот. Постои сомнеж за земање заложници“, наведуваат од полицијата и додаваат дека трговскиот центар и божиќниот пазар во близина се затворени.