Домот на покојниот педофил Џефри Епстин во Палм Бич бил „украсен“ со огромна колекција фотографии од голи жени, како и сцени од неговите средби со високи личности, покажува повторно објавено полициско видео, пишува „Њујорк пост“.

Jeffrey Epstein showed off photos of dignitaries, nude woman at Palm Beach lair, resurfaces videos show https://t.co/KBqiE2q0ru pic.twitter.com/JX7JfyOfJw

— New York Post (@nypost) September 3, 2025

Видеата од 2005 година, објавени во вторник од страна на Комитетот за надзор на Претставничкиот дом на САД, се дел од досието од 33.295 страници поднесено од Министерството за правда. Снимките се направени за време на истрагата за наводите дека Епстин злоставувал 14-годишно девојче.

Куќата на Епстин, која подоцна беше срушена, била полна со врамени фотографии од жени, многу од нив голи, во бањи, ходници, приватна теретана и неколку канцеларии. Повеќе од десетина фотографии ја покажуваат и неговата поранешна партнерка Гислен Максвел, вклучувајќи и една фотографија од неа гола на плажа.

На снимката се прикажани и Епстин и Максвел со папата Јован Павле Втори и кубанскиот диктатор Фидел Кастро. Максвел потврди дека средбите се одржале во 2002 или 2003 година за време на интервју со претставници на Министерството за правда на САД.

Максвел, исто така, откри дека патувала на Куба со Епстин и поранешниот колумбиски претседател Андрес Пастрана, за кого рекла дека се запознала „во паб во Даблин“. Таа, исто така, рекла дека патувала со Пастрана во Колумбија за да летаат со хеликоптер „Блекхок“.

Снимките од домот на Епстин, исто така, покажуваат неколку канцеларии со компјутери. На еден монитор имало налепница на која пишувало „Не допирајте“.

Во домашната теретана имало лента за трчање, пилатес реформатор, велосипед за вежбање, сет тегови и врамени „голи фотографии“ на ѕидовите.

Претставничкиот дом во САД ја проширува истрагата за Џефри Епстин