Британски државјанин (39), познат на полицијата по сексуални престапи врз малолетници, беше уапсен во Франција откако се обидел да исценира венчавка со деветгодишно девојче во Дизниленд.

Француското обвинителство потврди дека станува збор за педофил во бегство кој е под истрага во Велика Британија за кршење на условите на регистарот на сексуални престапници.

Brit, 39, arrested for staging a £115,000 'wedding' to a nine-year-old Ukrainian girl at Disneyland Paris is a known predatory paedophile wanted by UK authorities, French prosecutors reveal https://t.co/62fFR61jC0

— Daily Mail (@DailyMail) June 24, 2025

Инцидентот се случил во саботата, кога персоналот на забавниот парк бил шокиран од појавата на маж во придружба на деветгодишно украинско
девојче, нејзината мајка и околу 100 гости . Сè било организирано како „лажна венчавка“, која требало да се емитува во живо на социјалните мрежи, пишува Дејли меил .

Британецот, чие име е забрането од правни причини, е обвинет за измама, кршење на довербата, перење пари и кражба на идентитет. Обвинителите во Мо, град источно од Париз, изјавија дека користел фалсификувани документи за да се претстави како латвиски државјанин и да склучи договор за „приватизација“ на дел од Дизниленд, вреден околу 115.000 фунти.

Според обвинителството, девојчето било во улога на „невеста“, а мајката на детето за време на сослушувањето изјавила дека сака „ден достоен за принцеза“ за својата ќерка.

Покрај Британецот, уапсени се уште три лица: мајката на девојчето (41), државјанка на Украина, потоа 24-годишна Летонка која лажела дека е сестра на „невестата“, како и 55-годишен маж од Латвија кој исто така учествувал на церемонијата.

Истрагата покажа дека настанот бил организиран како фиктивна венчавка исклучиво за снимање, и дека детето не било изложено на физичко или сексуално насилство , ниту пак било принудено да учествува. Девојчето пристигнало во Франција два дена пред церемонијата.

Според тврдењата на обвинителството, организаторите ангажирале статисти преку Интернет, вклучувајќи околу 100 Французи кои биле претставени како гости, сите под барање настанот да остане доверлив.

Вработените во Дизниленд, според сведочењата, го прекинале настанот штом откриле дека „невестата“ на церемонијата всушност е дете.

Обвинителството сè уште спроведува детална истрага, а Британецот моментално е во притвор и чека понатамошна екстрадиција или судење во Франција.