Кајли Џенер конечно беше забележана како разговара со Деми Мур на доделувањето на БАФТА само неколку недели откако реалити ѕвездата беше брутално игнорирана од актерката. Странските медиуми пренесуваат дека со ова тие ги демантираат гласините за наводен конфликт.

Инаку, Кајли присуствуваше на церемонијата за да го поддржи своето момче Тимоти Шаламе, кој беше номиниран за наградата за најдобар актер. Според магазинот „Ел“, додека таа седела во публиката, ѝ пришла Деми Мур и двете имале краток разговор, со што докажале дека меѓу нив нема несогласувања.

За потсетување, во виралното видео кое кружеше на социјалните мрежи по доделувањето на Златните глобуси, Деми беше видена како ентузијастички разговара со Ел Фанинг за нејзината победа, додека Кајли се обидуваше да учествува во разговорот. Ситуацијата стана уште понепријатна кога Деми ја прескокна Кајли и директно му се обрати на Тимоти, честитајќи му за неговите проекти.

Оваа ситуација стана толку голема вест што ќерката на Деми Мур мораше да се огласи. Таа потоа објави приказна на Инстаграм во која застана во одбрана на нејзината мајка.

„Новата година ја поминавме со Ел и сосема е природно што двете се поврзаа по победата. Деми беше во целосен шок и доколку ја приметеше Кајли дека сака да ѝ честита, дефинитивно ќе ѝ дадеше простор да го направи тоа“, напишала Талула.

„Само опуштете се и дозволете ѝ да ужива во својата победа“, додаде таа на крајот.

BAFTA Awards 2025: Kylie Jenner Seen Interacting With Demi Moore After the Actress Allegedly Ignored Her at Golden Globeshttps://t.co/pP361XgNRM

— Pinkvilla (@pinkvilla) February 17, 2025

Деми Мур секоја недела го посетува Брус Вилис: Одам кај него затоа што го сакам