Телото нa папата Франциск, кој почина во понеделникот, ќе лежи три дена во базиликата Свети Петар до неговиот погреб во сабота. Пред да биде изложено во отворен ковчег, телото на папата Франциск било подготвено да го издржи топлото пролетно време во Рим со привремено балсамирање и малку шминка.

Со оглед на тоа што се очекува илјадници верници да се збогуваат со него, преземени се чекори за да се избегне распаѓање, како и со претходните папи.

„Затоа телото на папата Франциск беше подложено на привремен процес на балсамирање.Тоа вклучува инјектирање на течност за конзерванс преку венскиот систем, проследено со естетска нега на лицето и рацете. Целта е да се забават процесите на природно распаѓање“, објасни Андреа Фантоци, основач на Италијанскиот национален  институт  за танатопракси (ИНИТ).

Постапката, за која се користи хемиска течност, мора да се изврши во рок од 36 часа по смртта и трае неколку часа.

„Нејзиниот ефект дава поприроден изглед на покојникот, трае до 10 дена“, рече Фантоци.

Ватикан ги објави првите слики на папата во отворен ковчег во вторник, облечен во црвена папска облека, митра на главата и бројаница меѓу прстите.

Preparing Pope Francis’ body for lying in state – embalming science to ritualshttps://t.co/JcZO9nJJIL pic.twitter.com/3fghSDjOIa

— Mirror World News (@MirrorWorldNews) April 22, 2025

Фотографиите се од вечерната богослужба која се одржа во понеделникот во капелата Каса Санта Марта, резиденцијата во Ватикан каде што живеел за време на неговото 12-годишно служење и каде што починал.

Италијанските медиуми објавија дека Фантоци го надгледувал балсамирањето на претходникот на Франциск, папата Бенедикт Шеснаесетти, кој почина во 2022 година.

Embalming and make-up: Pope’s body prepared for lying-in-statehttps://t.co/4qyoJbde3x

— KBC English Service (@kbcenglish) April 23, 2025

Патем, балсамирањето не е исто што и мумификација бидејќи целта не е вечно зачувување на телото, туку негово привремено зачувување, а оваа постапка е регулирана во Италија со закон донесен во 2022 година.