Моника Белучи е позната по својот специфичен и елегантен моден вкус, убавата актерка речиси секогаш носи црно од глава до пети и ретко се одлучува за друга боја.

Актерката и режисерот Тим ​​Бартон, нејзиниот емотивен партнер, се едни од најголемите ѕвезди на Меѓународниот филмски фестивал во Маракеш. Двојката синоќа вторпат по ред се прошета на црвениот тепих, а познатата Италијанка ги изненади сите со својот моден избор.

Имено, Моника ги маѓепса присутните во црвен плетен комбинезон со широки ногавици кој одлично ѝ прилегаше на нејзината женствена фигура, додека Тим Бартон избра класичен црн костум во комбинација со црна кошула и елегантни кожни мокасини.

Ова модно решение е вистинско освежување во стилот на италијанска дива, а овој комбинезон имаше и многу интересен, предизвикувачки детаљ. Креацијата е украсена со богат плетен вез под кој има постава во боја на кожа, која дава илузија на гола кожа.

 

View this post on Instagram

 

A post shared by Monica Bellucci (@monicabellucciofficiel)

Белучи го комплетираше изданието со свилен црвен шал, кој го обви преку лактите и сребрена чанта и скап накит. Едноставната фризура и елегантната шминка дополнително ја истакнаа нејзината убавина.

ФОТО | Моника Белучи на 60 години позираше за насловната страница на магазинот „Ел“: Сѐ уште е најубавата жена на светот