Филмот „Барби“ сè уште го привлекува интересот на многу гледачи, а пред кино салите низ светот се поставени барби-кутии во кои многумина се фотографираат.

На „Барбиманијата“ не ѝ одолеа и нобеловката Малала Јусафзаи (26), која позираше во барби-кутија со својот сопруг Асер Малик.

Младата нобеловка рече дека им се допаднал филмот, а на социјалните медиуми ја објави фотографијата со својот сопруг, па се пошегува.

„Оваа Барби има Нобелова награда. Тој е само Кен“, напиша таа под фотографијата.

Нејзината објава ги насмеа и воодушеви следбениците, па следеа многу позитивни коментари.

„Најдобриот опис за Барби што сум го прочитал во последно време“, е еден од коментарите.

Инаку, За потсетување, Малала стана позната преку објавите за животот под талибанска власт, кои ги пишуваше на урду, на само 11 години, чии преводи ги објави „Би-би-си“.

Таа преживеа напад од талибанците кои ја застрелаа во главата и вратот во 2012 година.

Една година подоцна, Малала објави автобиографија за нејзиниот живот, „Јас сум Малала: Автобиографија на пакистанска жена која талибанците се обидоа да ја убијат, бидејќи се залагаше за правото на образование“.

Малала Јусафзаи е активистка за правата на децата и најмладиот добитник на Нобеловата награда. Таа ја доби Нобеловата награда за мир во 2014 година кога имаше само 17 години. Во брак е со Асер од 2021 година.

ФОТО: Се омажи нобеловката Малала, девојката која Талибанците пред 9 години ја застрелаа во глава