Поранешната министерка за финансии Нина Ангеловска и нејзиниот сопруг, лекарот Виктор Станков, минатата недела станаа родители.

Сега, Ангеловска одлучи радосната вест да ја сподели на социјалните мрежи. Имено, таа објави дека на 17 јули го добиле синчето на кого му го дале името Стефан.

„Нашата радост, нашиот нов член пристигна Стефан Станков 17.7.2024.

Емоции кои не знаев дека постојат. Нема соодветен збор да се опише чувството на прво запознавање, допир, бакнеж… Превозбудени за најголемата и најважната животна улога на која максимално ќе ѝ се посветиме со сите убавини, радости и предизвици кои ги носи.

Сега сме ние тројца“, напиша Ангеловска покрај фотографиите.

Да потсетиме, Ангеловска и Станков стапија во брак минатото лето. Тие го изговорија судбоносното „да“ во Соборниот храм, а свадбената веселба ја одржаа во престижниот хотел „Александар Палас“.

На свадбата беа присутни гости од јавниот и политичкиот живот, меѓу кои и поранешниот премиер Зоран Заев. Ангеловска стана министер за финансии во 2019 година и e еден од најмладите министри во историјата на македонската политика.

Поранешната министерка Нина Ангеловска во Белград ќе предводи компанија на милијардерот Мишковиќ