Холандската принцеза Маргриет (82) доживеа незгода додека се лизгала на мраз. Таа додека учествувала во хуманитарен настан ја скршила раката, објавија странските медиуми.

Имено, принцезата учествуваше на хуманитарен настан на лизгалиштето во Херенвен во северната провинција Фрисланд. Настанот „Холандсе 100“ (Hollandse 100) се организира секоја година на 23 март за да се соберат средства за Фондацијата за истражување на рак на лимфните јазли, со која претседава нејзиниот син принцот Бернхард, кој се лечел од лимфом.

Принцезата Маргриет веднаш била пренесена во болница каде ѝ била констатирана фрактура на надлактицата.