Откако рускиот претседател, Владимир Путин ја нападна Украина, ширум светот се оргазнизираа многу демонстрации, при што стотици илјади луѓе излегоа на улиците за да ја осудат војната. Но, гневот кон рускиот лидер, исто така, зароби жртва која никој не можеше да ја претпостави: француско-канадски деликатес од помфрит, урда и сос со име „Путин“(Poutine), пишува „The Guardian“.

Путин, најпознатиот канадски специјалитет по јаворовиот сируп, го дели своето име (на француски) со рускиот претседател. И како што Путин станува цел на протести, така и ресторанот кој го продава јадењето.

„Poutine“ е специјалитет кој се состои од помфрит, парченца кашкавал и сос.

„Maison de la Poutine“(Куќата на Путин), со ресторани и во Париз и во Тулуз, изјавија дека добил навреди и закани по руската инвазија на Украина.

„Нашето јадење е родено во Квебек во 1950-тите. А приказните околу неговото потекло се многубројни. Но, едно е сигурно: путинот го создадоа страсни готвачи кои сакаа да им донесат радост и удобност на своите клиенти“, објави компанијата на „Твитер“.

„Куќата на Путин работи од својот прв ден за да ги овековечи овие вредности и денес ја изразува својата најискрена поддршка за украинскиот народ кој храбро се бори за својата слобода против тиранскиот руски режим“.

Нашироко се верува дека името на јадењето доаѓа од француско-канадскиот изговор на англискиот збор „pudding“ за да се опише кашестата мешавина.

 

View this post on Instagram

 

A post shared by Le Grand Foodfest (@legrandfoodfestqc)