Брачен пар од Белгија спасиле младенче од дива свиња, животно кое и ден-денес живее во нивниот дом, пишува „Ројтерс“.

Додека ловел со своите кучиња, Грегори Гио нашол младенче од дива свиња и решил да го задржи, прво привремено.

Една година подоцна, необичниот миленик Оскар тежи 80 килограми и сè уште живее во нивната куќа – со сопствена софа, перници и ќебе.

„Не планиравме да го задржиме овде, туку да го спасиме и потоа да го ослободиме, но се приврзавме со него“, изјавила сопругата на Гио, Тифани Пјер.

Оскар бил однесен на фарма за дресура, каде одбивал да јаде и неговите сопственици морале да го земат.

Сосема нормално, животното има голем апетит, па понекогаш се случува да изеде некој предмет во домот. Но, тој внимава на хигиената и знае како да ги предупреди неговите сопственици дека има физиолошки потреби, со цел да го пуштат надвор.