Раперот Марко Маринковиќ – Слаткар на својот Инстаграм профил сподели емотивен статус, потсетувајќи се на деновите од детството кога импровизираниот држач за микрофон и опрема бла неговата надеж за посветла иднина.

Додека сите другари му биле заминати на одмор тој немал пари за такво задоволство, а времето го поминувал пишувајки песни кои ги снимал со својот помал брат Стефан.

„Ова сум јас, крај на месец јули, 2005-та. Сите другари ни се во Охрид на одмор, а јас и Диџеј Че сме заглавени во Скопје и снимаме песни на импровизирана опрема во Ново Лисиче. Обратете внимание на држачот за микрофон кој е составен од скршен вентилатор и шипка од скршена метла. Немаме вентилатор да не лади, немаме пари да одеме на одмор, но имавме нова песна и уште една, уште една и уште една. Не знам точно колку песни имам направено до сега, но знам дека сè уште снимам со истиот интензитет и сè уште сум возбуден како мало дете кога одам накај студио. Со овој пост сакам да најавам дека на 25-ти мај ќе вадам нов албум! Патем, оваа година во јули се мислам дали да идам на Малдиви или на Бахами. Живели“.

 

View this post on Instagram

 

A post shared by Slatkaristika (@slatkaristika.official)

Марко денес е во брак со поранешната манекенка Сања Николиќ и го имаат синот Моша.