„Животот е премногу краток за да биде мал“, е мотото на семејството Џамбазови, а заедничката фотографија направена пред повеќе од 4 децении, искрените насмевки и љубовта која се чувствува, потврдуваат дека, иако некогаш се живеело едноставно, срцата биле полни до врвот.

Фотографијата од мастро Александар и актерката Анче и нивните деца, актерот, шоумен, текстописец Игор Џамбазов и ќерката архитект-технолог Татјана Џамбазова, се јасна слика на едно време кога љубота и хармонијата во семејството беа на прво место.

„Некогаш се живееше поедноставно ама срцата беа полни до врвот! Идилична семејна атмосвера во домот на семејството Џамбазови во времето кога сите беа заедно! Родителите Александар и Анче и нивните деца Игор и Тања“, пишува на фотографијата објавена на Фејсбук-профилот на Игор Џамбазов.

Инаку, Мајката на Игор, Анче Џамбазова почина на 30 септември 1997 во Скопје, таа беше македонска театарска и филмска глумица, најпозната по улогите во „Мирно лето“ и „Македонски народни приказни“ и ќерка на еден од најекспонираните и најпопуларни актери во историјата на македонскиот филм и театар, Петре Прличко.

Татко му, пак, маестро Александар Џамбазов беше македонски диригент и композитор кој не напушти на 25 јануаери 2022 година.

За нивната необична и силна љубов се слушаше надалеку, а Александар во многу наврати ги раскажуваше своите патешетвија за неговата Анче, која ја сакаше до последен здив.

Таа почина на денот кога ја прославуваа 35 годишнината од нивната венчавка, а Џамбазов низ годините потоа, никогаш не го преболе тој 30 септември.